அமெரிக்காவின் பிரபல டோனட் நிறுவனமான கிரிஸ்பி க்ரீம், கோவையில் புரூக்ஃபீல்ட்ஸ் மால், ப்ரோசோன் மால் மற்றும் கோவை விமான நிலையம் ஆகிய மூன்று இடங்களில் தனது விற்பனை நிலையங்களைத் தொடங்கியுள்ளது.
அக்டோபர் 9ஆம் தேதி தொடங்கப்பட்ட இந்த விற்பனை நிலையங்கள் மூலம், ஸ்விக்கி மற்றும் ஸோமாட்டோ வழியாகவும் கோவை முழுவதும் டோனட்கள் விநியோகம் செய்யப்படுகின்றன.
கிரிஸ்பி க்ரீம் நிறுவனத்தின் இந்திய விரிவாக்கத்தின் ஒரு பகுதியாக கோவையில் இந்த விற்பனை நிலையங்கள் தொடங்கப்பட்டுள்ளன. இளைஞர்களின் புதிய உணவு அனுபவங்களுக்கான ஆர்வம் மற்றும் வளர்ந்து வரும் கஃபே கலாச்சாரம் ஆகியவை இதற்குக் காரணமாகக் கூறப்படுகிறது.
இங்கு டோனட்களுடன் புதிதாகத் தயாரிக்கப்படும் காபி, மில்க்ஷேக்குகள் மற்றும் குளிர்பானங்களும் விற்பனை செய்யப்பட உள்ளன.
புரூக்ஃபீல்ட்ஸ் மாலில் நடைபெற்ற தொடக்க விழாவில் ரிப்பன் வெட்டுதல், குத்துவிளக்கு ஏற்றுதல் உள்ளிட்ட நிகழ்ச்சிகள் நடைபெற்றன. வாடிக்கையாளர்களுக்கு இலவச டோனட்களும் வழங்கப்பட்டன.
